ဒီနေ့မှာတော့ IT industry တွေမှာ PM က တစ်ကယ်လိုလားမလိုဘူးလားဆိုတာကို ကျနော်နားလည်ထားသလောက်ရေးသွားမှာဖြစ်ပါတယ်။

Project Management ကလိုလားလို့ ကျနော့်ကိုလာမေးရင် ကျနော်ကတော့ လိုတယ်လို့ပဲပြန်ဖြေမှာပါ။ တစ်ကယ်လည်း (GOOD) Project Management ကလိုအပ်ပါတယ်။ good ကိုမမြင်မှာဆိုးလို့ ကွင်းပါခတ်ပေးထားပါတယ်။ PM ရဲ့ goal က ရှင်းတယ်၊ client ရဲ့ ကိုယ့် team ရဲ့ ကြားထဲမှာနေပြီး နှစ်ဦးနှစ်ဖက် လိုချင်တဲ့ goal ဆီကို ရောက်အောင်လုပ်ပေးရတာပါ။ ဒါပေမယ့် နောက်ကွယ်မှာ သူ့ရဲ့ responsibilities ကအများကြီးရှိပါတယ်။ ဘာတွေရှိလည်းဆိုတာကြည့်ရအောင်။

ပထမတစ်ချက်အနေနဲ့ အရေးကြီးဆုံးက Leadership ပါ၊ မျက်စောင်းထိုး၊အံတွေကြိတ်၊ တောက်တွေခေါက်နေတဲ့ leader shit ကိုပြောတာမဟုတ်ပါဘူး။ တစ်ကယ့် leadership ကိုပြောတာ၊ ကိုယ့်ရဲ့ team ကို inspire ဖြစ်အောင်၊ motivated ဖြစ်နေအောင်လုပ်ပေးနိုင်ရမယ်၊ ဒါမှသာ ရလဒ်ကောင်းတွေထွက်လာမယ်၊ Positive environment ဖြစ်လာမယ်၊ Leadership လည်းဟုတ်သလို mentor-ship လည်းကောင်းကောင်းပေးနိုင်ရမယ်။ ကိုယ့် team မှာဖြေရှင်းရမယ့် အခက်အခဲ တွေရှိလာပြီဆို ဦးဆောင်ပြီးဖြေရှင်းနိုင်ရမယ်၊ ကိုယ်က tech background မရှိဘူးဆိုရင်တောင် ကိုယ်တတ်နိုင်တဲ့ ဘက်ကနေရှင်းပေးနေရမယ်။ အဲ့လိုမှမဟုတ်ဘဲ ကသောက်ကပျောက် result တွေထွက်လာရင် ဒီ team ကို manage လုပ်နေတဲ့ သူက ဘယ်သူလဲဆိုတာ ပြန်စဉ်းစားပါ။

တာဝန်ယူတတ်ဖို့ တာဝန်သိတတ်ဖို့ကလည်း အရေးကြီးပါတယ်။ ဒီ team ရဲ့ in charge ကကိုယ်ပါ။ client နဲ့ meeting သွား၊ ပြောသမျှ လက်ခံလာပြီး ဒီဘက်က team ကိုအကုန်ပြန်လုပ်ခိုင်းတာမျိုးကလည်း အဆင်မပြေပါဘူး။ result ထွက်လာတော့မှ ကိုယ့်ဘက်က team ကိုအပြစ်ပုံချလို့မရဘူး၊ client ကိုလည်းအပြစ်ပြောလို့မရပါဘူး။ meeting လုပ်ထဲက client ရဲ့ expectation ကို သေချာသိထားရမယ်၊ expectation ကမြင့်နေလား၊ technically possible ဖြစ်ပေမယ့် ကိုယ့်ရဲ့ team size ကရောအဲ့ဒါကို fill up လုပ်ပေးနိုင်မယ့် capability ရှိလား စသည်ဖြင့်ကြိုတင်စဉ်းစားထားရပါမယ်။ တစ်ခုခု လွှဲချော်ခဲ့သည်တိုင်အောင် ကိုယ်က ခေါင်းခံပြီး client နဲ့ negotiate ပြန်လုပ်သင့်ပါတယ်။

နောက်တစ်ချက်အနေနဲ့ project planning လုပ်တဲ့အချိန်မှာ ထိထိရောက်ရောက်လုပ်ဖို့လိုပါတယ်။ client နဲ့ meeting ပြီးလို့ပြန်လာတယ်၊ ပြီးရင် task တွေခွဲလိုက်တယ်၊ task အခု ၂၀ ထွက်တယ်၊ team မှာလူ ၅ ယောက်ရှိတယ်၊ ၅ လေးလီ ၂၀ တစ်ယောက် ၄ ခုယူလုပ်လို့မရပါဘူး။ Task စခွဲပြီဆိုကတည်းက ကောင်းကောင်းခွဲချနိုင်ဖို့အတွက် project domain ကိုကောင်းမွန်စွာနားလည်ထားရပါမယ်။ ပြီးမှသာ အဲ့ဒီကနေပြီးတော့ တစ်ခုခြင်းဆီ break down လုပ်ချပြီးတော့ task တွေထုတ်ရမယ်။ ထုတ်နေတဲ့အချိန်မှာတင် ဒီ task က ဘယ်သူနဲ့သင့်တော်တယ်၊ ဘယ်သူ့ကို assign ချရင်ကောင်းမယ်၊ စတာတွေကို စဉ်းစားထားရပါမယ်။ “The right people do the right things, at the right time.” ပါ။ timeline ကတော့ ကိုယ့် team နဲ့လည်း ညှိယူဖို့လိုသလို client ရဲ့ expectation date ကိုမှီဖို့အရေးကြီးပါတယ်။

Project planning ပြီးတာနဲ့ မပြီးသွားပါဘူး၊ Quality Control ကကပ်ပါလာပါတယ်။ planning မှာ ကောင်းကောင်းမလုပ်ထားနိုင်ရင် Quality ကလည်းကောင်းလာမှာမဟုတ်ပါဘူး၊ ဆိုတော့ planning မှာ timeline ချတဲ့နေရာမှာတည်းက timeline က တစ်အားကျပ်နေမလား၊ ဖြစ်လာနိုင်တဲ့ risk factors တွေကိုရောထည့်တွက်ပြီးပြီလား၊ QA အတွက်ရောပါလား စသည်ဖြင့် Planning မှာတည်းက တိတိကျကျ စဉ်းစားထားသင့်ပါတယ်။ planning ပြီးလို့ process phase မှာလည်း team ရဲ့ process ကို အမြဲတမ်း track လုပ်နေဖို့ တစ်ခုခု block ဖြစ်လာပြီဆိုလည်း ဝင်ကူညီဖို့ လိုပါတယ်။ အရေးကြီးတဲ့ တစ်ချက်ကတော့ အပေါ်စီးကနေ အကုန်လုံးမြင်အောင် ကြည့်နိုင်နေရပါတယ်။ process phase မှာ ဘယ်လိုပြသနာတွေရှိလာနိုင်တယ်၊ ဘယ်လိုဖြေရှင်းဖို့ရနိုင်တယ် စတာတွေကို oversee ဖြစ်ထားဖို့လိုပါတယ်၊(ဒါကတော့ အတွေ့အကြုံကလည်းစကားပြောပါတယ်။)

စာနည်းနည်းရှည်သွားမှာဆိုးလို့ ဒီမှာပဲရပ်လိုက်ပါမယ်။ ဒါတင်ပဲလားဆိုတော့ မပြီးသေးဘူးနော်၊ အရေးကြီးတဲ့ reporting အပိုင်းတွေကျန်သေးတယ်။ Client ကိုတင်ရမယ့် report ကိုယ့်ရဲ့ အထက်လူကြီးတွေကိုတင်ရမယ့် report စသည်ဖြင့် reporting & presentation ကလည်းကောင်းဖို့လိုသေးတယ်။ ထပ်ဖြည့်ချင်တာတွေရှိရင် comment မှာရေးထားခဲ့လို့ရပါတယ်။

ပြောချင်တာလည်း ပြောပြီးသွားပြီဆိုတော့ နောက်မှတွေ့တာပေါ့။